Diyarname
20'ê mehê Serokdewletê DYA'yê Donald Trump ê hatiye hilbijartin dê sond bixwe û dest bi serokdewletiya xwe ya ji bo 4 salan bike.
Niha amadehî ji bo merasimê têne kirin. Li ser vê yekê va ne hin agahî:
- Trump dê bibe 47'emîn Serokdewletê DYA'yê. 60'emîn car e li DYA'yê hilbijartin li dar ket.
- Merasima Sondxwarinê bi giştî li ser derenceyê, li derve tê çêkirin lê îsal ji ber sermayê merasim dê bibin hundir. Di sala 1985'an de merasima Ronald Reagan jî wisa bûbû; ji wê demê heta niha cara yekê ye merasim ne li derve, li hundir li dar dikeve.
- Ji bo merasimê Mihafizên Neteweyî yên DYA'yê ji 40 eyaletan dê bêne Whastingtonê.
- Li gor agahiyê 8 hezar mihafiz dê li Whashingtonê bin.
- 18'ê mehê li dora Galeriya Hunerê ya Neteweyî ewlehî hat sazkirin.

MACCHIO DÊ SIRÛDA NETEWEYÎ BIXWÎNE
- Hunermendê operayê Christopher Macchio di merasimê de sirûda neteweyî bixwîne. 
- Hunermendê country Lee Greenwood û Carrie Underwood dê strana “America the Beautiful” bistrên.
- Ji bo temaşekirinê bilet dabûn 200 hezar alîgirên Trumpî lê ji ber cihê merasimê guherî, ev betal bû.

YÊN DÊ BEŞDARÎ MERASIMÊ BIBIN
- Serokdewletê DYA'yê yê niha Biden dê beşdarî merasimê bibe. Serokên DYA'yê yên berê Bill Clinton, George W. Bush û Barack Obama jî dê li mesarimê bin.
- Xwediyê Tesla û SpaceX'ê Elon Musk, avakarê Amazonê Jeff Bezos, CEO'yê Metayê Mark Zuckerberg û rêveberê Tiktokê yê çînî Shou Chew gotiğe ewê beşdarî merasimê bibin.
- Serokdewletên gelek welatan di merasimê de amade bin.
- Ji kurdan hêvî ew e ku Hevberdevka Karên Derve ya Rêveberiya Bakur û Rojavayê Sûriyeyê Îlham Ehmed beşdar bibe. Îro hat îdîakirin ku Ehmed bi awayekî fermî hatiye vexwendin, lê tu agahiya fermî nehatiye belavkirin. Li aliyê din hat gotin ku dê nûnera MSD'ê (Meclisa Sûriyeya Demokratîk) a DYA'yê Sînem Mihemed li ser navê Rêveberiya Xweser beşdarî merasimê bibe.

YÊN BEŞDARÎ REDKIRINE
- Ji bo serokên gelek vexwendname hatibû şandin, lê serokên welatên wekî Îtalya, Macaristan, Arjantin û Çînê gotine ew dê beşdar nebin.

Ev foto ji merasima sondxwarina Trumpî ya sala 2017'an e.