Diyarname
Meclisa Sûriya Demokratîk (MSD) bi daxuyaniyekê nerazîbûna xwe ya li hemberî tayînkirina hikumetê eşkere kir. MSD'ê got, "Ev hitumeta yek alî ku desthilata Şamê eşkere kiriye pirengiya siyasî û civakî ya Sûriyeyê nişan dane."
MSD'ê di daxuyaniyê de wisa got, "Di hikumeta nû de pirrengiya siyasî û civakî tune ye û tê de yekalî serwer e, tevî ku hin kesayetên teknokrat hatin erkdarkirin jî."
MSD'ê eşkere kir ku ev gav wekî geveke çareseriyê nayê dîkin, ji ber ku hikumet yekalî ye û ew aliyê serwer jî xwedî îdeolojiyeke zelal e.
Di berdewama daxuyaniyê de hat gotin ku desthilata Şamê li gorî bingehên sereke yên beşdarî û pirrengiyê tevnagere û ev jî diyar dike ku qonaxeke demkî ya durist ji bo avakirina dewleta Sûriyeyê bi awayekî saxlem, tune ye.
MSD'ê bang li hemû hêzên niştîmanî yên Sûriyeyê kir ku bi hev re ji bo avakirina rêbazeke siyasî ya nû ya li ser bingehên demokrasî û wekheviya hemû pêkhateyan dûrî siyasetên paşguhkirinê, kar bikin.
Di dawiya daxuyaniyê de hat gotin ku pêdiviya Sûriyeyê, li şûna ji nû ve pêkanîna rêbazên ku hiştine krîz kûrtir bibe û êşên gelê Sûriyeyê mezintir bibin, bi çareseriyên nû heye ku xwe bispêre diyalog û lihevkirinê.
RÊVEBERIYA XWESER: DEV JI VÊ SIYASETÊ BERDIN
Rêveberiya Xweseriya Demokratîk a Herêma Bakur û Rojhilatê Sûriyeyê jî daxuyaniya nivîskî belav kir û got, "Em careke din teqez dikin ku em bi daxwazên bingehîn ku Sûriyeyî ji bo wê serî hildane ve girêdayî ne. Sûriyeyiyan banga avakirina Sûriyeyeke demokratîk, hevbeş û nenavendî kir ku mafên hemwelatîbûnê û beşdariya adilane di tevahî aliyên jiyana siyasî de hebe û tu aliyek bi tenê Sûriyeyê bi rê ve nebe. Ji lew re em bang dikin ku dev ji siyasetên bidûrxistin û paşguhkirinê berdin, ji wê zêdetir tevahî gelê Sûriyeyê ji pêkhate, ol û mezheban hembêz bikin."
***
Nûçeya Eleqedar:
.jpg)
.jpg)
