Amed
7'emîn Rojên Ma Musicê êvara 15'ê mehê bi konsera ku ji bo bîranîna hunermend Nesrîn Şêrwan hat li dar xistin bi dawî bû.

Rojên Ma Musicê 12'yê mehê dest pê kiribû û vê êvarê bi dawî bû. Di konsera dawî ku li Kayapinara Amedê li dar ket de Orkestraya Rîtmên Xwezayî, Koma Zarokên Mayê û Endamên Koma Mayê û Zarokên Ma’yê bi stran û muzîka xwe şevek taybet pêşkêşî beşdaran kirin.

Yek ji mamosteyên Ma Musicê Sarya Aktaş axaftina destpêkê ya konserê kir û got ku ji bo nişan bidin ka zarokên vî welatî çawa stranan distrên ev konser organize kirine.

Ev konser bi piştgiriya Şaredariya Kayapinarê li dar ket. Hevşaredarên Kayapinarê Berivan Gulşen Sîncar û Cengiz Dundar derketin ser dikê û silav dan beşdaran. Hevşaredar Sîncar axivî û got ku ew îro ne tenê salvegera Ma Musicê pîroz dikin, ew keda bi salan pîroz dikin. Dundar jî salvegera Ma Musicê pîroz kir.

Kordînatorê Ma Musicê Şêrko Kanîwar jî di axatiina xwe de got, "Dema kayûm hat gotin herin mala xwe, me got na em zarokên Kurdistanê bê muzîk nahêlin.

Foto: MA

**

Nûçeya Eleqedar:

- Di Rojên Ma Musicê de konserên cuda