Diyarname
22'yemîn Pêşbaziya Kurtefîlman a Akbankê sala bê di navbera 23'yê adarê, 2'yê avrêlê de wê li dar bikeve. Niha dema şandina berheman e. Yên bixwazin heta 19'ê berfanbara 2025'an dikarin kurtefîlmên xwe bişînin ber destên amadekaran.
Akbank ev 22 sal in Pêşaziya Kurtefîlman li dar dixe û her sal bi sedan kurtefîlm ji bo wê têne şandin. Ji bo sala pêşiya me jî pêşbaziyê dest pê kir.
Di çarçoveya "Pêşbaziya Kurtefîlman a Neteweyî" de kurtefîlmê bi ser bikeve dê bi 150 hezar TL'yî, di ba "Pêşbaziya Kurtefîlmê Navneteweyî" kurtefîlmê bi ser bikeve dê bi 3 hezar dolarî bê xelatkirin. Di beşa "Awirên Ciwan" de kurtefîlmê serketî bi 50 hezar TL, di beşa "Forum: Pêşbaziya Senaryoyê de" jî senaryoya serketî bi 90 hezar TL'yî dê bê xelatkirin.
Di festîvalê de beşên wekî "Kurteyên Festîvalê", "Kurteyên ji Dinyayê", "Ji Kurteyan Ber Bi Dirêjan", "Sînemaya Belgefîlman", “Perspektîf”, “Nîşandayîna Taybet”, “Awirên Ciwan" û “Forum” hene û di bin van beşan de wê kurtefîlm bê pere bêne nîşandayîn. Ligel van çalakiyên wekî atolye, gotûbêj û panel li dar dikevin.
Ji bo têkilî: https://www.akbanksanat.com/
