Diyarname

12'emîn Kongreya Navenda Pena Kurd 7'ê Rezberê li dar ket û rêveberî û hevserokên PEN'a Kurd guherîn. Rojbîn Perîşan û Mîran Abraham ji bo hevserokatiya Navenda PENa Kurd hatin hilbjartin.

Kongreya Navenda PENa Kurd  li bajarê Oldenburga Almanyayê bi beşdariya zêditirî 150 endaman li dar ket. Kongre bi diruşma “Sîwana Neteweyî!” pêk hat. Di kongreyê de li ser xebatên Navenda PENa Kurd û xebat û têkoşîna rewşenbîriya kurdî ku di vê demê de hatin kirin nîqaş hatin kirin.

Serokê PEN'a Navneteweyî û endamê Navenda PEN'a Kurd birêz Burhan Sonmez, berpirs û rayedarên gelek sazî û enstîtuyên kurdan ên li çar aliyên cîhanê, gelek navendên PEN'ên din û gelek kesayetan nameyên serketinê ji bo kongreyê şandin û piştgiriya xwe diyar kirin.

Di kongreyê de piştî gengeşeyên li ser rêbazê, Komîteya Birêvebir a Giştî (KBG) ya ku ji 9 endamên esil û 4 endamên cihgir pêk tê bi dengên endaman hat hilbijartin. Piştî hilbijartinê kongre bi hêvî û daxwazên beşdaran bi awayekî serkeftî bi dawî bû.

Piştî kongreyê Komîteya Birêvebir a Giştî civîna xwe ya yekem li dar xist. Bi birêvebirina endamên dîwana kongreyê Kemal Sido, Hacî Ozkal, Dîmen Sohrabî, Kakşar Oremar û Asya Xerzan civîn hat rêvebirin û li ser karbeşî biryar hatin girtin. Di encama nîqaşan de Rojbîn Perîşan û Mîran Abraham wekî hevserokên Navenda PEN'a Kurd hatin hilbijartin. Her wiha Azad Zal wekî sekreterê giştî, Kakşar Oramar jî wekî berpirsê darayî hat hilbijart.

Lîsteya ku di kongreyê de hat hilbijartin bi vî rengî ye:

Endamên Esil:

1. Abdullah Hîcab

2. Azad Zal

3. Dîmen Sohrabî

4. Kakşar Oremar

5. Mîran Abraham

6. Omer Fîdan

7. Rojvîn Perîşan

8. Salih Demîcer

9. Şina Fayîq

Endamên Cihgir:

1. Îrfan Babaoglu

2. Mihemed Mentik

3. Rukiye Ozmen

4. Sultan Yaray