Diyarname
Di kompaniya dan û standinê ya li ser înternetê Trendyolê de tîşortên li ser wêneyên Torosên Spî hebû têne firotin. Li ser vê yekê Baroya Wanê serî li dozgeriyê da ku der barê kesên vê çêdikin û difroşin de doz bê vekirin.

Di salên 90'î de li bajarên kurdan bi hezaran kes bi erebeyên Torosên Spî hatin revandin û hatin windakirin. Bi vî awayî qala 17 hezar kesî têne kirin. Loma jî torosa spî ji bo kurdan meseleyeke cidî ye. Hinan tîşortên li ser wêneyê Torosên Spî û bi nivîsa "17 hezar kes çawa dikare bikevin nava torosekê?" çêkirine û difroşin.
Li ser vê yekê Baroya Wanê serî li dozgeriyê da. Baroyê di daxuyaniya xwe de got ku torosên spî sembola windakirina kurdan e û di bazirganî de bikaranîna semboleke wisa dibe sedema pesinandina sûcên mirovahiyê yên ku berê hatine kirin.
Baroyê got bazirganiyeke wisa ne tenê etîk e, di heman demê de ji aliyê hiqûqî ve jî binpêkirinên cidî tîne holê û got, "Ev kirina ku wijdana civakî birîndar dike, travmayên mexdûran nû dike, divê bê cezakirin."