Amed
Serokên Odeyên Ticaret û Sanayî, Serokên Borsayên Ticaretê yên 14 bajarên li Rojhilat û Başûrêrojhilat (bi gotineke din yên bajarên kurdan) li Odeya Sanayî û Ticaretê ya Amedê hatin ba hev û 2 saetan li ser pirsgirêka kurd axivîn. Di civînê de nehiştin rojnameger cih bigirin û piştî civînê ji bo rojnamegeran daxuyanî hate dayîn.
Di daxuyaniya ku Serokê Odeya SanaYî û Ticaretê ya Amedê Remzi Can xwend de wiha hate gotin:
- Ev 30 sal in li welatê me bi taybetî jî li herêma me birînên mezin çêbûne. Em dibin şahid ku her roj bi dehan ciwan dimirin. Û em êşa van ciwanan di dilê xwe de hîs dikin.
- Êdî tehamula me nîn e ku hêstirên dayikekê jî birijin.
- Ji bo çareseriya qirsgirêka kurd divê çek bêne rawestandin.
- Ji  nû ve rewşa muzakereyê bê sazkirin.
- Ji bo vê yekê emê bi Serokombar, Serokê Meclisê, partiyên siyasî yên koma wan de meclisê de heye re hevdîtinan pêk bînin.
- Hewce bike ji bo hevdîtina bi Abdullah Ocalan re emê herin Îmraliyê û herin Qendîlê.

Serokên saziyên sivîl yên bajarên Amed, Şirnex, Qers ,Wan, Riha, Culemêrg, Çewlig, Mûş, Dêrsim, Semsûr, Batman, Agirî, Mêrdîn, Bedlîs û navçeyên Nisêbîn, Qoser, Erdîş, Tetwan, Sêwreg, Cizîr û Bazîdê beşdar bûn.