Wezîrê Karên Derve yê Îsraîlê Gideon Saar li ser hesabê xwe yê X'ê têkildarî êrîşên li dijî taxên kurdan Şêxmeqsûd, Eşrefiyê û Benî Zêd ên Helebê daxuyanî da. Gideon Saar di daxuyaniya xwe de bang li cîhanê û taybet jî li welatên rojava kir û got: “Kurdan li dijî DAIŞ'ê şereke serkeftî kir û DAIŞ têk bir. Bi vî şerê serkeftî re rûmeta cîhanê û bi taybet jî rûmeta welatên rojava rizgar kirin.” 
Saar da zanîn ku cîhan û bi taybetî jî welatên rojava li hemberî kurdan deyndarê rûmetê ne.

‘Divê li gorî soza ku dane xwedî helwest bin’
Wezîrê Karên Derve yê Îsraîlê Saar rexne li welatên ku dibêjin pêwîst e “Suriyeke nû” bê avakirin jî kir. Saar diyar kir ku sazkirina “Suriyeyeke nû” û ev êrîşên plankirî yên bênavber û zextên xedar ên li dijî pêkhateyên Sûriyeyê pêk tên û gotinên wan dijberên hev in û paradokseke mezin e.

Bêdengî rê li pêşiya êrîşan vedike
Saar rexne li bêdengiya qada navneteweyî jî kir û da zanîn ku bêdengî rê dide ku hikumeta Şamê zext û êrîşên li ser pêkhateyên li Sûriyeyê zedetir bike.
 

**

Nûçeyên Eleqedar:

- Hunermendan ji bo Rojava bang kir

- Neteweyên Yekbûyî: Peymana 10'ê Adarê bi cih bînin

- Barzanî û Talabanî li ser Taxên Kurdan çi gotin?

- DEM Partî: Divê hikûmeta Şamê êrîşên li dijî kurd û suryaniyan bi dawî bike

- Îlham Ehmed: Hikûmeta Demkî li dijî kurdan şer îlan kiriye

- Li taxên kurdan 7 kes hatin kuştin, dor 50 birîndar hene

Parve Bike