Diyarname
Di nav de rojnameger, siyasetmedar, helbestvan û nivîskarên kurd 6 kesî canê xwe ji dest da.
Va ne ew kes:

Rojnameger Mehmet Arslan mir
Rojnameger Mehmet Arstlan bi salan di DÎHA'yê (Ajansa Nûçeyan a Dîcleyê) de wekî nûçegîhanê Erzeromê kar kir. Arslan roja 5'ê adarê di encama qezaya trafîkê de mir.

Nivîskar M. Hîda Kimaz mir
Nivîskar M. Hîda Kimaz roja 5'ê adara 2026'an li Çîliya îzmîrê mir. Ew di sala 1966'an de li Farqîna Amedê hatibû dinê. 
Wî ferhenga Sumerî-Kurdî ku ji 10 hezar Peyman pêk tê amade kir, lê berî ferheng biweşe, ew mir. 
Weşanên Na eşkere kir ku ew dê ferhengê amade bikin û di demek nêz de çap bikin.

Helbestvan Ehmet Huseynî mir
Helbestvan Ehmed Huseynî ku li Swêdê di hat dermankirin roja 10'ê adarê di 71 saliyay xwe de mir. Huseynî di sala 1955'an de li Amûdê hatibû dinê.

Siyasetmedar Salih Muslim mir
Siyasetmedar, endamê Konseya Serokatiyê ya Partiya Yekîtiya Demokratîk (PYD) Salih Muslim roja 11'ê adarê mir. Muslim ji ber gurçikên xwe nexweş bû û li Başûr dihat dermankirin. Ew di sala 1951'ê de li gundê Şêran ê Kobanî hatibû dinê.

Rojnameger Osman Kiliç mir
Rojnameger Osman Kiliç roja 12'yê mehê li bajarê Tiel a Hollandayê mir. Kiliç ji salên 90'î ve li Ewropayê di nav çapemeniya kurdan de kar dike. Ev dor du salan bû ji ber qansêra pişikê dihat dermankirin.
Rojnameger Osman Kiliç di sala 1968'an de li Misirca Sêrtê hatibû dinê. Di salên 90'î de di kanalên kurdan ên wekî Med TV, Medya TV de kar kir. Herî dawî li ANF'yê bû.

Xebatkarê çandê Abdurahman Zal mir
Li Amedê xebatkar û kedkarê çandê Abdurahman Zal roja 13'yê adarê canê xwe ji dest da.
Cenazeyê Zal roja 14'yê mehê li gundê Xeraê Kurê yê Şemrexa Şirnexê hat definkirin.