Diyarname
Şaredariya Bajarê Mezin a Amedê ji bo 15'ê Gulanê Cejna Zimanê Kurdî hin çalakiyên çandî li dar dixe. Di nav çalakiyan de beza ji bo zimanê kurdî, şano û çalakiyên ji bo zarokan hene.
Çalakî ji aliyê Midûriyeta Şaxa Parastin û Pêşxistina Ziman a Serokatiya Daîreya Çand û Karên Civakî ve têne organîzekirin. Calakî wê 10, 15 û 17'ê mehê bêne lidarxistin.
JI BO ZIMAN DIBEZIN
Çalakiya pêşî 10'ê mehê li dar dikeve. Di çalakiya ku rastî Roja Dayikan jî tê, beza bi navê "Em ji bo zimanê dayikê dibezin" tê lidarxistin. Yên bixwazin dê bikaribin beşdarî ve bezê bibin. Kesên beşdar saet 10'an de wê amade bin û starta bazdanê wê saet 11'an de li ber Sumerparkê dest pê bike û heta Deriyê Çiyê bidome. Li gelek bajaran sporên bezê hene ku her sal li dar dikeve, li Amedê ev xebateke nû ye. Bi vê yekê balê dikişînin ser zimanê kurdî.
LÎSTIKA "MORAŞÎN"
Di 15'ê Gulanê Roja Cejna Zimanê Kurdî de jî çalakiya şanoyê heye. Lîstika bi navê "Moraşîn" saet 20.00'an de li Çand Amedê bê pêşkêşkirin.
ŞAHIYA JI BO CIWAN Û ZAROKAN
Di çarçoveya bernameyê de ji bo ciwan û zarokan jî çalakî hatine amadekirin. "Şahiya Zarok û Ciwanan" a ku dê di 17'ê Gulanê de li Sumerparkê were lidarxistin, dê di navbera saet 11.00 û 17.00'an de be. Di çalakiyê de dê xebatên atolyeyê, nîşandana kûkelan, muzîk, rîtm, drama û lîstikên zarokan werin organîzekirin.
**
Nûçeyên Eleqedar:
- Saziyan qeybî 15'ê Gulanî bi kirmanckî deklerasyon wend: Kurdî hebûney ma wa
.jpg)
