Diyarname
Di Koma E de du maçên dawî hatin lîstin. Ekvadorê Almanya têk bir û wekî sêyemîn ji komê derket.

KOMA E:
Maça Almanya û Ekvador, Qeraxa Aj û Curaçao di heman saetê de hat lîstin. Ekvador mecbur bû bi ser bikeve, encax wisa dikarî ji komê derê. Almanya ligel tu fêdeya vê maçê bo wê tune bû jî bi lez dest pê kir. Di deqîqeya 2'an de Almanyayê bi gola Leroy Sane bi 1-0 derket pêş, lê Ekvadorê zû ev şok bi ser xwe re avêt. Di deqîqeya 9'an de bi gola Nilson Angulo wekhevî saz kir û îdîaya xwe domand.
Di nîveka duyemîn de Ekvador hê zêdetir puan dixwestin, hê zêdetir ber xwe dida û hê zêdetir zor li maçê dikir. Bi vî awayî di deqîqeya 77'an de encam anî 2-1'ê. Ganzola Plata di asîsta K. Rodriguez de ji ber Neuer re gog di nav torê de çikand.
Bi vê serketinê Ekvador bû xwedî 4 pûanan û di rêza sêyem de cih girt
Di maça din de Qeraxa Aj tîma Curaçao bi 2-0 têk bir.
Di Koma E de Almanya û Qeraxa Aj her yek bi 6 pûanan ji komê derketin. Ekvador jî bi 4 pûanan wekî "Yek ji sêyemî serketî" mafê derketina ji komê bi dest xist.

HAKÊMÊN JIN
Yek ji balkêşiya maçê jî ji aliyê hakêmên jin ve hat bi rê ve birin. Hakêma ji DYA'Yê Tori Penso maç bi rê ve bir. Dîsa ji DYA'yê Brooke Mayo û Kathryn Nesbitt wekî hakêmên qeraxa sehayê kar kirin.
Pakêm Penso di deqîqeya 48'an de ji bo Almanyayê mafê penaltiyê da, lê VAR'ê gazî temaşekirinê kir û penaltî betal bû.

KOMA D
Di Koma De de Tirkiyeyê DYA bi 32- têk bir lê ev yek têrê nekir ji ber ku Tirkiye di her du maçên pêşî de têk çûbû. Paraguay û Avstralya 0-0 man. Bi vê encamê DYA bi 6 pûanan, Paraguay û Avustralya jî bi 4 pûanan ji komê derketin. Tirkiye bi 3 pûanan vegeriya mala xwe

KOMA F
Di Koma F de Japonya û Swêdê nekarîn bi hev, maç bi 1-1'ê bi dawî bû, ev bi kêrî herdu yan jî hat. Di maça din de Hollondayê Tunus bi 2-1 têk bir. Di encama maçan de Hollanda bi 7 pûanan bû yekem, Japonya bi 5 pûanan duyem û Swêd bi 4 pûanan wekî sêyemînê komê ji komê derket.

MAÇÊN ÎRO:
Di nav maçên tîmên mezin wekî îro Fransa, Spanya hene. Va ye bernameya îro:
26 Pûşper, În:
Koma I: Norwec - Fransa, Stada Boston, 22.00
Senegal - Iraq, Stada Toronto, 22.00

27 Pûşper, Şemî:
Koma H: Giravên Cabo Verde – Erebistana Siûdî, Stada Houston, 03.00
Uruguay - Spanya, Stada Guadalajara, 03.00
Koma G: Misir - Îran, Stada Seattle, 06.00
Zelandaya Nû - Belçîka, Stada BC Place Vancouver, 06.00

****

Ji bo temamê maçên rojê:
- Roj bi roj maçên Kûpaya Cîhanê (temamê lîsteyê)

***

Dibe ev nivîs bala we bikişînin:

- Ji Messi dîrokeke nû: Di Kûpaya Cîhanê de kesê herî zêde gol avêtin

- 49 mîlyon kesî nikarîn bi 438 hezar kesî!

- Goga Lingan û Serê Hz. Huseyîn

- Şeva lîstikvanê kurd Denîz Undav a di Kûpaya Cîhanê de

- Ji bo cîhanê goga lingan, ji bo kurdan gef û gur û fişarên tirkan

**

Rûpela Taybet a Kûpaya Cîhanê:
- KÛPAYA CÎHANÊ 2026