SILÊMANÎ
Li Silêmanî lîstika bi navê "Şervano" hate lîstin. Lîstik wê 10 rojên din jî li heman cihî derkeve pêşberî temaşevanan.

Duh êvarkî li Peymangeha Hunerê Ciwanekan ya Silêmaniyê şanoya Şervano ku berhema peymangehê ye û qala têkoşeriya ji bo xaka xwe dike, hate lîstin.

Amadekar û derhênerê lîstikê Goran Elî li ser mijarê ji Rojnewsê axivî. Goran Elî destnîşan kir ku her kurdek rihê şervanî û cengaweriyê pêre heye ku hinek ji bo xak û welat û hinek jî ji bo civaka xwe têdikoşin.

Di lîstikê de jin li pêş in. Li ser vê yekê jî Goran Elî wisa dibêje: “Jinên kurd tim xebat û têkoşîneke mezin dane. Em tenê serketina mêran nîşan didin. Di demekê de serketinê hemû dayîkan li holê ye. Dayîkan ew qasî xebat û têkoşîn kiriye, ne kêmî yê bav bûye. Ji bo wê min di vê şanoyê de hest bi wê yekê kir ku jinê bi hêz nîşan bidim ku çawa jina kurd piştrast kiriye ku bi hêz e û dikare rû bi rûyê hemû pirsgirêkan xwe ragir be.”

Li gor gotina Goran Elî lîstika "Şervano" wê bi hevkariya Sêwana Çanda Silêmaniyê 10 rojan derkeve pêşberî temaşevanan. Li gor bernameyê her êvarê saet 18:00’an li Peymangeha Hunerê Ciwanekan ya Silêmaniyê tê lîstin.

https://rojnews.news/ku/li-silemaniye-sanoya-servano-hate-nisandan/