Diyarname
Lickleyhead şatoyek e ku li Skoçyayê ye. Lîstikvan Rose Leslie ku bi rêzefîlmê "Game of Thrones" navdar bûbû li vê şatoyê mezin bûye. Ev şato aîdê malbata wê bû û ji sedsala 16'an maye. Niha ev şato tê firotin û dewlemendên kurdan jî dikarin dest biavêjin bêrîkê.

Şato li herêma Aberdeenshire ye û li ser 4,45 hektarî ye. Şatoya çar qatî niha bi 1,15 mîlyon sterlînî tê firotin.
Şato bi tevna we ya dîrokî, derenceyên spiral ên ji kevir, serxaneyên darîn, dîwarên bi dar hatine xemilandin, bi şomîneyên dekoratîf balê dikişîne.

Şato her dest guhartiye. Rojnameya Press and Journal di sala 2019'an de nivîsî ku şato ji bavê lîstikvana navdar Sebastian Leslie bi rêya heczê bi 650 hezar sterlînî hat girtin û firotin. 
Lîstikvan Rose Leslie ku di Game of Thrones de rola Ygritte dilîst, zarokatiya xwe li vê şatoyê jiya ye. Paşê şatoyê dîsa dest guhartiye. Niha ew li benda xwediyê/a xwe yê/a nû ye. Çima kurdekî vê nekire? Loma sernaveke bi vî rengî hatiye bikaranîn.