Diyarname
Dadgeha Bilind ji bo 26'ê mehê roj diyar kiribû ji bo parastina bi devkî ya DTP'ê. DTP'ê dem xwest, dadgehê ji bo payîzê dam da.

Doza girtina DTP'ê piştî dayîna parastina bi nivîskî, vê carê dor hatibû merheleya parastina bi devkî. Dadgehê ji bo parastina bi devkî roja 26'ê vê mehê diyar kiribû û ji DTP'ê xwestibû ku wê rojê yan serok, yan jî kesek ku serok wî destnîşan bide bê dadgehê û xwe biparêze. Lê parêzerên DTP'ê ji dadgehê xwest ku dem têra wan nake, lewma ew demek dirêj ji bo amadekirina xweparastina devkî dixwazin.
Dadgehê daxwaza DTP'ê nirxand û di encamê de diyar kir ku roja nû ya xweparastina bi devkî ya DTP'ê 16'ê rezbera 2008'an e. Dadgehê xwest ku di 16,09,2008'an de an serok, an jî kesek ku serok destnîşan bike divê di wê dîrokê saet 10'ê sêrê sibê de li dadgehe be.
Dadgeh piştî ku li parastina bi devkî ya DTP'ê jî guhdarî bike dê vê yekê di lijneya xwe de binirxîne û rojeke ji bo biryardayînê diyar bike.