Tehran
Di hilbijarinên Serokkomariyê yên Îranê de Hesen Ruhanî yê ji aliyê reformîstan ve dihat destekkirin ji sedî 50,68’ê  dengan girt û bi ser ket. Bi serketina Rohanî re hat gotin ku desthilatdariya “muhafezekar” a 8 salan bi dawî bûye.

Wezîrê Navxweyî Mustafa Muhemmed Najar, encamên dawî yên Hilbijartinên 14’ê pûşperê eşkere kir. Di hilbijartinan de ku wekî tekane namzetê reformîstan Hesen Ruhanî dengên piranî girtin û bi ser ket. Li gorî encaman, Ruhanî 18,6 mîlyon deng  ku tê beramberî sedî 50,68’ê dengan, di tura yekemîn de bi ser ket. Bi vê encamê pêdivî bi tûra duyem a hilbijartinê nema.
Hat diyarkirin ku ji 50 mîlyon hilbijêran ji sedî 72,7’an çûne cem sindoqan û dengên xwe dane.

Ruhanî bû 11'emîn Serokomarî Îranê. Ew 64 salî ye û wekî reformparêz tê nasîn.

Ruhanî ku sazkirina têkiliyên dîplomatîk bi DYA'yê re diparêze li Zanîngeha Caledonian a Glasgowê xwendiye. Ew bi îngilîzî, almanî, fransî, rusî û erebî, bi gotineke din ligel farisî 6 zimanan dizane.