Diyarname

Donald Trump ji rojnameya New York Times bersiva pirsên David E.Sengar û Maggie Haberman da. Hevpeyvîn roja 21'ê mehê hate weşandin. Di hevpeyvîna dirêj de Trump li ser gelek mijaran sekinî.

Berendamê Serokdewletiya DYA'yê yê Komarparêzan Donald Trump li ser jî kurdan axivî û got: "Ez heyranê kurdên ku li Sûriyê li dijî DAIŞ'ê şer dikin im. Ger ez bêm hilbijartin ezê navbera wan û Tirkiyeyê çêbikim."

Hilbijartina DYA'yê (Dewletên Yekbûyî yên Amerîkayê) di vê sermawezê de ye. Trump li ser navê Komarparêzan berendam e. Li ser pirsa rojnamegeran Trump got: "Ez fanatîkê şervanên kurdan im. Her wiha têkiliyên me yên nêz ligel Tirkiyeyê hene. Ger em bikaribin kurdên li Sûriyê û tirkan bînin ba hev dê tiştek xweş çêbibe."

Trump meseleya kurdan û tirkan dê çawa bîne ba hev jî bi vî awayî anî ziman: "Ger ez serokatiyê bi dest bixim û bibim xwedî vê firsendê bêyî demê winda bikim ezê civînan çêbikim. Du aliyên em dostên hev in hene û ew jî li hemberî hev şer dikin. Ez bawerim ezê bikaribim navbera wan çêbikim."