Diyarname

Îro 1'ê Gulanê, Roja Karker û Kedkarên Dinyayê ye. Ji sala 1889'an ve tê pîrozkirin. Ji pîrozkirinê wêdetir di vê rojê de balê dikişînin ser rewşa kar û kedê û kedkaran. Balê dikişînin ser berxwedana kedkaran.

Yekem car di sala 1856'an de li Melbourneya Avustralyayê karkerên kevirşikên û avahiyan ji bo daxwaza rojê tenê 8 saetan bixebin dest bi meşê kirin. Ji ber Zanîngeha Melbourne heta Avahiya Parlemenê meşiyan.

Di 1'ê gulana 1886'an de di bin pêşengiya Konfederasyona Sendîkayên Karker a Amerîkayê de karker meşiyan. Wê demê rojê 12 saet, hefteyê 6 roj dixebitiyan û daxwaz eq bû ev dema xebatê dakeve 8 saetan.

Niha li gelek welatên dinyayê rojê 8 saet xebat heye, du roj betlane. Li welatên Ewropayê nîqaşa rojên xebatên ji 5'an daxin 4'an heye. Li hin welatan ceribandin hatiye kirin û ev ceribandin didome jî.

Lê li welatên paşketî rewşa karker û kedkaran ew qas ne baş e. Loma jî bi taybetî li van welatan 1 Gulan hê bi watetir e, hê rêya daxwaza başkirina mafên karker û kedkaran e.

Di rojek wisa de bi taybetî roja kedkar û karkerên kurd, roje hemû karkerên dinyayê pîroz be.