Diyarname

Malpera Avestakurd ku careke din di bin nûçeya xwe ya derewîn de asê ma.

Avestakurdê roja 14'ê mehê saet 15.46'an de nûçeyek weşand* û wisa nivîsî: "PYD rê neda komîsyon derbasî rojava bibe

Komîsyonek ji aliyê komîteya amadekar a kongreya neteweyî ve hate amadekirin, ji bo ku biçe rojavayê Kurdistanê, lê PYD rê neda ku ew komîsyon derbas bibe. Gelo sedema ku PYD-YPG nahêlin ew komîsyon rastiyan bibîne û ragihîne çi ye?"

A pêşî: Pêşî dibêje PYD'ê rê neda, dûre YPG'ê jî lê zêde dike (bêyî ku di nav nûçeyê de tiştek wisa hebe) û pirsa xwe dike. Her çiqas karê YPG'ê li vir tune be jî em êdî fêmnakin ka PYD' (Yanê endam û rêveberên PYD'ê) yan jî YPG'ê yanê leşkerên YPG'ê nehiştine komîsyon derbas bibe?

Helbet em fêm nakin ka komîsyon dê ji kîjan derî re derbas biba û wan nehişt?

Welhasil em van deynin aliyekê, em bên ser derewa mezin a Avestakurdê.

Heman rojê êvarkî, Endamê komîteye Rojava Delîl Amed beşdarî Nûçe TV bû û li ser vê nûçeyê wisa got; "Heyeta me heta niha neçûye ser sînor. Em li Hewlerê ne. Nûçeyên ku dibêjin, 'PYD astengkiriye' ne rast e. PYD dibe alîkar. Ew nûçe xizmetî gelê kurd nakin, xizmeta hin hêzên din dikin."

Niha we fêm kir Avestakurd çawa di bin "Flaş"a xwe de asê ma!..

*Gotin Rûdawê jî nava rojê nûçeyeke wisa weşandiye, lê me li malpera wan nêrî, me nedît. Dibe ku nûçe bi paş ve kişandibin.