WAN

8 siyasetmedarên kurd yên ku di sala 2012’yan de li Wanê di çarçoveya operasyonên di bin navê ‘KCK’ê’ de hatibûn girtin hatin berdan.

Li Wanê di çarçoveya operasyonên di bin navê “KCK’ê” de 8 jê girtî 15 siyasetvanên kurd yên di derbarê wan de doz hatibû vekirin, di danişîna dozê ya li 6'emîn Dadgeha Cezayê Giran a Wanê de biryara berdanê derket.

Endamê Meclisa Partiyê yê BDP'ê yê berê Huseyîn Dag, Cîgirê Şaredarê Bajarê Mezin Sait Kantarcioglu, Endamê Berê yê Meclisa Şaredariyê Naci Erkol, Serokê MEYA-DER’ê Îbrahîm Alkan, Rêveberê BDP’a Bajêr ê Berê Îsmaîl Demir, Rêberê BDP’a Navçê yê Berê Naif Ugraş, Şaredarî Çelebibag Veysel Keser û Rêveberê BDP’a Navçê yê Berê Naim İşik îro hatin berdan.

Berê jî 7 siyasetvanên kurd ku di çarçoveya heman operasyonê de hatibûn girtin, hatibûn bendan.

Li Stenbolê jî 8 kes hatin berdan 

Di doza "KCK'ê" ya Stenbolê de jî îro doz hebû. Di danişîna îro de dadgehê Abdulmecit Yilmaz, Ahmet Sagniç, Hikmet Kaymaz, Talip Mikailogullari, İhsan Yiles, Ubeyd Kutum, Galip Atış û Erdal Ozsekmez berdan. Dadgehê "demek dirêj girtîmayîn"a wan nirxand û ew berdan, lê di dozê de hê 83 kes girtî ne.

Danişîna nû ya doza KCK'ê ya Stenbolê dê 9-10'ê berfanbara 2013'yan de li dar bikeve.