Diyarname
Dengbêjên ciwan û koma rockê ya amerîkayî Story Boks bi hev re derdikevin ser dikê. Dengbêjî û rock li heman sehneyê dê muzîka modern û klasîk bê cem hev.

Koma rockê ya amerîkayê Story Boks derdikeve tûrneya Tirkiyeyê. Kom di navbera 4-19'ê Tîrmehê de ji Stenbolê, Bursa û Manîsa li çend deran konseran bide. Story Boks li Stenbolê dê bi dengbêjên ciwan re jî derkeve ser dikê.
Story Boks ku bi salan li gelek welatan konser pêşkêş kiriye, vê carê dê bi nifşê nû yê dengbêjan, dengbêjên ciwan re derkeve ser dikê.

Endamên komê CHARLES (Vokal,Eelektro), CHİRİS (Batery), KATHİ (Saksafon), JON (Vokal-Gitar), TİM (Bas Gitar) û dengbêjên ciwan ên kurd Mihemedê Serhedî û Mem Bazît dê bi hev re bistrên.

Dengbêjên ciwan heta niha çend caran konser dane û li ser vê konserê jî ji bo me wisa gotin: "Bi qasî wan ev konser dê ji bo me jî gelek balkêş be" û di nava heyecana hatina cem hev a rock û dengbêjiyê de ne.

Koma Story Boks dê bi îngilîzî û îbranî bistre, dengbêjên kurd û dê klamên xwe pêşkêş bikin. Her wiha her du dê bi hev re duetê jî bikin.

"Konsera Dengbêj û Rock"ê 5'ê tîrmehê saet 19'an de li Navenda Çanda Mezopotamyayê li dar dikeve. Konser ji aliyê NÇM û New York Production ve tê organîzekirin.

Organîzatorên konserê li ser armanca konsereke bi vî rengî wisa dibêjin: "Me xwest nîşan bidin ku çanda kurdî û ya dinyayê di heman astê de ye û me xwest muzîka rojava û muzîka klasîk a kurdan li cem hev wekî tehmekê pêşkêş bikin." Organîzator her kesî vedixwînin vê konsera cihêreng û bi zewq.

***

Bi şertê nîşandayîna çavkaniyê her kes dikare nûçe û nivîsên Diyarnameyê bikar bîne. Bêyî nîşandayîna çavkaniyê bikaranîna nûçe û nivîsên Diyarnameyê qedexe ye.