Diyarname
Ji mînaka stranên elewiyan albuma "Pirler Divani" (Dîwara Pîran" bi etîketa Kom Muzîkê derket.

Çanda elewîtî yek ji rengên herî bedew ên erdnîgariya derguşa bihezaran çandên cur bi cur a Mezopotamyayê ye. Çanda elewîtî bi hezaran sal e ku li ser vê rednîgariyê dijî. Ji vê çandê gelek stran hene ji devê pîrên wan herikî ne. Ji van stranan hin niha di albuma bi navê "Pirler Divani" de bi tirkî ji aliyê Besê Aslan ve hatin berhevkirin û album ji Kom Muzîkê derket.

Di albumê de stranên wekî 'Guzel şahim', 'Bugun seyre', 'Ali'dir Ali', 'Cemal Hakka', 'Pazar-i Aşk', 'Semah Erenlerindir', 'Havolê min', 'Însanlik Yolu', 'Derde Duşen Aşiklar', 'Derdi Verdin', 'Ey Kaşi Keman', 'Beni Candan Usandirdin', 'Muhabbet Dostum', 'Hikmeti Lokmana Sor', 'Hakkı Bagişla', 'Eli Boş Olmaz', 'Ela Gozlerini Sevdigim', 'Kusur Senin Îmiş' cih digirin, ji van tenê yek bi kurdî û yên din bi tirkî ne.
Di albumê de pîrên bi navê Îbrahim Aldede, Ali Ekber Bakir, Hasan Sinemillioglu, Mehmet Yuksel, Memed Geyik, Veyis Erdogan stran xwendine. Her wiha digeh wêneyên pîran li ser kurtejiyana wan û li ser stranên pîran jî di albumê de agahî hatine pêşkêş kirin.
Besê Aslan nêzî pênc salan e ku li ser çanda kurdên elewî xebatê dike, karê berhevkariyê dike, lê dide zanîn ku pîr digel ku bi kurdî difikirin jî bi tirkî van stranan dibêjin loma wê jî wisa behev kiriye. Her wiha ew dide zanîn ku ev 'dedeyên dawî'n in ku bi wan re xeber daye û ji ber ku meseleya 'dedetî' ji bo peşêrojê nayê hiştin ber bi xelasbûnê ye.