NAVENDA NÛÇEYAN
Hevseroka Meclîsa Gel a Rojavayê Kurdisdtanê (MGRK) Sînem Mehemed, diyar kir ku ew biryara Neteweyên Yekbûyî (NY) ya derbarê alîkariya mirovî ya ku dê di ser Tirkiyê re ji bo herêma Cizîrê ya Rojava bêne şandin, bi keyfxweşî pêşwazî dikin. Sînem Mehemed, destnîşan kir ku pêdiviya sed hezaran kesan bi alîkariyê heye û got ku ew amade di vê mijarê de hevkariya NY’ê bikin.  

HEvseroka MGRK’ê derbarê mijarê de daxuyaniyek nivîskî weşand. Di daxuyaniyê de hate diyarkirin ku Rêveberîya Demokratîk a Rojava, nûçeyên li ser biryara gihandina alîkarîya mirovî ji bo xelkê Hesekî ya ji alîyê NY’ê ve ku dê dê sînorê Tirkîyeyê re derbas bibe, bi kêfxweşî pêşwazî dike.

Di daxuyaniyê de hate destnîşankirin ku pêdiviya bi sed hezaran kesên ku di nav de jin, zarok û xelkê aware jî hene, bi awayekî lezgînî bi alîkarîya mirovî ya tibbî, xurek, cihekê ku tê de bihewin û derfetên ku bikaribin di şer û mercên mirovî de jiyana xwe berdewam bikin, heye.

Di berdewama daxuyaniyê de hate gotin ku Rêveberiya Rojava amade ye ku digel NY’ê hevkariyê bike da ku alîkarî bigihîje wan kesan ku pêdivîya wan a alîkarîyê heye û wiha hate domandin: “Herweha garantî dide ku alîkarî bi tenê bigihîje wan kesên xwedî pêdivîya alîkariyê. Hêzên ewlekariyê û hêzên asayîşê ku di xizmeta Rêveberiya Rojava de ne, ango asayîşên kantonên Cezîre, Efrîn û Kobanê dê werin peywirdarkirin da ku derfet û îmkanan amade bike ji bo kar û barên NY bimeşe û ku NY hewcehiyê bibine, dê bi her awayî alîkariyê bikin. Herweha heger ji aliyê NY’ê ve were daxwazkirin Rêvebirî amade ye piştgirîya lojîstîk bide û ewlekariya wan kesan terxan bike ku dê karê belavkirina alîkariyê bikin.

Di çarçoveya qaîdeyên alîkarîya mirovî yên navneteweyî de Rêvebirîya Rojava bi tu awayî di muzakereyên hewldanên NY yên ji bo gihandina alîkarîya mirovî yên ji bo pêdivîyên hemû xelkê Sûrîyeyê de asteng nabe, ew deverên li derveyî herêma Rojava jî tê de.”

ANHA