Diyarname

Piştî Chelsea û PSG êvara 9'ê mehê jî Bayer Munih û Atletico Madrid bilêtên nîvfinala Lîga Şampiyonan bi dest xistin.

Atleticoyê Barselona têk bir

Di maça duyem a çarîkfînalê de Atletico Madrid û Barselona hatin hemberî hev. Di maça yekemîn de 1-1 wekhevî çêbûbû. Maça duyem li mala Atletico Madrid li dar ket.Hê di deqîqeya 5'a de ji Atletico Madrid Adrian Lopez şût avêt, gog ji dîrekê vegeriya, di berdewama pozîsyonê de Koke gol avêtin û maç bi vî awayî bi dawî bû. Û di dawiyê de Atletico Madrîdê Barselona şand mala xwe.

Bayer hebe, kes tune

Di maça din a çarîk fînalê de Bayer Munih û Manchester United li Almanyayê hatin hemberî hev. Maça yekemîn 1-1 bi dawî bûbû. Bayerê bi 3-1 MU têk bir û derbasî nîvfînalê bû. 

Di nivî fînalê de Bayer Munih, Atletico Madrid, Chelsea û PSG dê ji bo fînalê bi hev re bilîzin. Maçên nîvfînalê dê rojên 22-23 û 29-30'ê avrêlê bêne lîstin. Maça fînalê jî dê roja 24'ê gulana 2014'an de li paytexa Portekîz Lîzbonê bê lîstin.