Diyarname
Ramazan Baran û Haci Bakî Akdemîr ku duh li Licê ji aliyê leşkerên dewleta Tirkiyeyê ve hatibûn kuştin îro cenazeyên wan hatin definkirin.
Cenazeyê Ramazan Baran (26) ji aliyê bi hezaran kesî ve li Goristana Yenîkoya Amedê hate definkirin. Cenazeyê Ramazan Baran ê ku li Lîceyê ji aliyê leşkeran ve hate qetilkirin bi girseyî ji Mizgefta Kurşunlu ya li taxa Fîskaya hate wergirtin û ji bo defin bikin ber bi Goristana Yenîkoyê ve derxistin rê. Di merasima definkirina cenazeyê Baran de Hevserokê HDP'ê Ertugrul Kurkçu, Parlementera HDP'ê ya Êlihê Ayla Akat Ata, Hevseroka Rêxistina BDP'ê ya Amedê Zubeyde Zumrut, Hevşaredara Şaredariya Bajarê Mezin a Amedê Gultan Kişanak û bi hezaran kes amade bûn.
Cenazeyê Haci Bakî Akdemîr (50) jî birin Nexweşxaneya Dewletê ya Lîceyê û serê sibê ji aliyê malbat û welatiyan ve ji nexewşxaneyê hate wergirtin. Cenaze li Licê hate definkirin.
Her wiha Abdullah Akkulu yê 19 salî ku li Lîceyê di gulebaranê de birîndar bûbû li Nexweşxaneya Zanîngeha Dîcle ya Amedê hat emeliyetkirin û hê rewşa wî giran e.
Li her derê çalakî hebû
Ji bo şermezarkirina bûyerên li Licê ji Amedê bigire heta Stenbolê, ji Enqere, Entab, Mêrsîn, heta Şirnex, Çewlig, Batman, Edene, Hatay, Meletî, Qoser, Şemrex, Çanakkaleyê li gelek bajar û navçeyan çalakî hebûn.
**
Nûçeya eleqedar:
.jpg)
.jpg)
