Diyarname
Piştî ku teknîk dîrektorê tîma neteweyî ya Spanyayê hat Fenerbahçeyê, vê carê tîm teslîmî Bosque kirin.

Tîma neteweyî ya futbolê ya Spanyayê di EURO 2008 de di bin rêveberiya teknîk dîrektor Aragones de bû Şampiyonê Ewropayê. Aragones piştî şampiyoniyê dev ji tîmê berda û bi tîma Tirkiyeyê Fenerbahçeyê re li hev kir. Ji ber ku cihê wî vala ma li teknîk dîrektorekî geriyan. Û duh biryar dan ku peywira Teknîk Dîrektoriya Spanyayê bidin Vicente Del Bosque. Hate gotin ku dê Federasyona Spanyayê û Del Bosque roja pêncşemê civîneke çapemeniyê li dar bixin.
Piştî demekê dê amadehiyên ji bo Kûpaya Cîhanê ya 2010'an dest pê bikin û di van amadehiyan de dê teknîk dîrektorê Spanyayê Del Bosque be. Spanya ku digel Tirkiyeyê di koma 5'an e hevtêkbirina ji bo Kûpaya Cîhanê ya 2010'an de cih digirin, yekem maça xwe dê di 20'ê gelawêjê de li mala Danîmarkayê bi wan re bilîze.