Diyarname

Amed ku mêvanê rûmetê yê fûarê ye bi standeke mezin li benda mêvanên xwe ye.

83'yemîn Fûara Navneteweyî ya Îzmîrê îsal roja 29'ê gelawêjê bi merasimekê hate vekirin û heta 7'ê rezberê vekiriye. Îsal "Bajarên Mêvanên Rûmetê" Amed û Meletî ne. Di fûara ku heta roja dawî gelek çalakiyên çandî jî lê tên lidarxistin de bajar nasandina xwe dikin. Bi giştî 43 bajar di vê fûarê de têne nasîn. Amed ku mêvanê rûmetê ye standeke mezin vekiriye û rastî eleqeyeke mezin tê.

Di standê de Sûrên Amedê û Xana Hesen Paşa jî têde gelek beşên Amedê bi awayekî temsîlî hatine çêkirin. Her wiha xwarinên Amedê têne pêşkêş kirin. Heta roja dawî dê gelek çalakiyên li ser Amedê jî li dar bikevin. Yek ji wan jî konsera Mizgîn Tahir bû ku roja 30'ê mehê hat pêşkêşkirin. Ligel hunermenda operayê ya kurd Mizgîn Tahir, dengbêjên kurd Îbrahîmê Pirîkê û Mustafayê Botî jî bi klamên xwe reng dan çalakiyê.

Fûar heta 7'ê mehê her roj di navbera saetên 16.00 - 23.00'an vekiriye û li benda mêvanên xwe ye.