BERLÎN

Rojnameya Die Zeit li ser polîtîkaya hikumeta federal a der barê çeteyên DAIŞ’ê de nûçeyeke weşand û ev polîtîka bi tundî rexne kir. Rojnameyê diyar kir ku nêzîkatiya hikumetê ne rast e û got: "Hikûmeta Federal ku alîkariya çekan da Iraqê ji bo Kobanî wekî temaşevan dimîne."

Rojnameya alman ku heftane tê weşandin di hejmara xwe ya dawî de nûçe-şîroveyeke li ser nêzîkatiya hikumeta Merker a li dijî çeteyên DAIŞ’ê weşand û bi berfirehî polîtîkaya Merker nirxand. Nivîs ji aliyê Muriel Reichl ve bi sernavê “Hikumeta Federal–Kurdên Baş, Kurdên Xerab’ weşand.

Rojnameger der barê êrîşên çeteyan ên li hemberî Kobanî de wiha dibêje: “Nêzîkatiya hikumeta Federal ne wekhev e. Serokwezîr Merkel ji bo êzidî ji xetereya qirkirinê bên rizgarkirin gotibû em çekan dişînin. Niha jî li dijî êrîşên dijwar yên li hemberî Kobanî tenê wekî temaşevan dimîne."

Rojnameyê da zanîn ku ji bo kurdên Sûriyeyê yê di bin êrîşa DAIŞ’ê de ne, alîkarî nayê dayîn û her wiha rojnameyê ji bo vê şîroveya ‘Cihê kurdên li wir dimîne şaş e’ kir û got ku Merkel di navbera başûr û rojavayê Kurdistanê de cudakariya kurdên baş û xerab dike.

Di nûçe-şiroveyê tê gotin ku derziya nîjadperestiya Rojhilata Navîn li polîtîkaya derve ya Almanyayê tê xistin û wiha berdewam kir: “Berpirsyariya Almanyayê ne ku kurdên xerab û baş ji hev veqetîne. Wezîrê Parastinê li dijî qirkirina kurdên Iraqê derket lê ji bo yên Sûriyeyê tiştek nekir. Ev şermeke mezin e. Tiştê ku divê Almanya bike ev e ku piştgiriyê bide hêzên ku li dijî DAIŞ’ê têdikoşin. Her wiha divê Almanya Tirkiyeyê bikişîne nava mudexeleyê. Tirkiye divê ji bo parastina kêmarên herêmê piştgiriya çekan bide. Nêzîkatiya Tirkiyeyê pirsan di serê mirov de çêdike. Lê niyeta Tikriyeyê ev e ku PKK’ê li dijî DAIŞ’ê bê çek bihêle.”