Tarîxe ra nat heta eyro kurdan her game eziyet anto. Hêzanê eşîran, yê mîran, û di se seranê peyînan de yê dewletan... Her game şarê kurdî quwetê dewlete ra tersayê. Helbet zef sere kerdê berz, xo ver dayê... La her game jî tersayê.
Ez jî ana wa..
Ez mesela biyarî ser ene joy:
Çende rocî verî, vengê telefonê mi hame. Min kerd a, vengî vat:
- Ez polîs X... Ti Mektebê Şehîtogretmenler de rey xo danê?
Mi va "erê, la mesela çi ya?"
Va, "Ti ewca de zey endamê sindoqe hameyê niştişî. Ma gere kaxiz teblîxê to bikerê.
Min va, "Min sere nêdaw cayke ke mi binisnê!.."
Va, "Ger ti nê karî/peywirî qebûl nêkenê, bê qereqole îmza bide."
Roco şeme bî, mi tera vat "Dişeme ezo bêrî" û mi telefon girot.
Peywir, qerepole, îmza... Hezar çi hamey mi vîr.
Ez şaş biya.
Erê Stenbol de weçînayiş newera virazêno. YSK (Lijneya Pîle ya Weçînayişî ya Tirkiya) Serokanê Sindoqan newera virazena, endaman jî... Qaso ez zana yînan memûran ra weçînena û ez memûr jî niya.
Polîs çirê ro mi geyreno? Nimray mi çiyara girot a?
Pirs û bersivî mezgê mi ro şî û hamey.
Ez bêhizûr biya. Hîkayeyke Ferîd Egdu ke min açarnabî kurdî hamî mi vîr. Di peynî hîkaye de wina nist bî: "Mi aqilê xo bi nan û piyanz nêwerdo ez şorî qerepole û pers bikerî, mi moro 'Viniyo' da pero."
La mi aqilê xo bi nan û piyanz werd bî? Helbet nê, la ez zana ke heta enka ti meselay mi û polîsan jî nêviraziyawa...
La eno çi bî?
Bêhizûrî dewam kerd.
Ez kewta înternet, mi xo eyş bextê dedê xo Google...
Mi vîna ke no weçînayiş de YSK'î di sindoqanê ke partiyan endamî nêdayê û di sindoqan de pêdivî bi tenan est o, miyanê weçînayoxan ra tenî çinayê we. Di xeberanê ke ded Google kerdê vila de henî hêrs biyê ke çirê namey yînan hamew niştiş, heniyan kar qebûl kerd o, heniyan nêkerd o.
Henî boy mi hamî mi ver. Mi va hela wa rocê dişeme bêro ma go bawnin, ka ma sekenê.
Roco dişeme ez nêşiya qerepole, la mi telefonê nimreya ke ro mi geyra bî kerd.
Mi va:
- Ti ro min geyrabî qey qaxizê weçînayişî...
Va "Erê, la ti eşkenê şorê Lijney Weçînayişê Qeza jî û ti eşkenê ewca ra jî qaxizê xo bigîrê...
Ene xeberê mi rê baş hamî. Min qeybî hevalanê xo qal kerd, her joy çîke va:
- To rê çi, fek tera vera.
- Heta şan ti go mektebê, çi hewce keno ti şorê xo aciz bikerê?
- Şor e, baş beno.
- Eno weçînayiş muhîm o, merdimê zey to serê sindoqan de bê baş o.
Ez di miyanê fikranê şiyayiş û nêşiyayiş de mend a. Ez rocêke bîn jî fikirayawa û peynî peynî de mi qerar da: Ez go şorî kar bikerî.
Ez şiya şaxê YSK yê Qeza, mi qaxizê xo girot û ez do nê weçînayişê Stenbolî de zey endamê YSK'î kar bikerî.
Peynî peynî de çiyo ke ez vacî: Dewleta ke ma tera tersenê peywir/kar dawo ma...
Her hal dinya bedelêna. Wa bixêr bo û ez hêvî kena weçînayişê Stenbolî jî bi xêr derbas bibo.
.jpg)
.jpg)
.jpg)
.jpg)
