Mervan Gola

TRT6’ê dest bi weşana xwe kir ev çendeke. Çavê min li ser e, bi qasî ku ez dibînim, ji hêla dublaj û bernameyan ve tor in. Min piçekî lê kola ka gelo çima wisa bê qelîte ye. Bi rastî têştên ku min dîtin gelekî balkêş in.
Em tev dizanin ku TRT bi giştî li ser zimanê tirkî diricife û qîmeteke mezin didê. Tew ku hewce bike alîkariyê ji “Sazgeha Zimanê Tirkî” digire. Li ser peyvan disekine û lê dipê. Her wiha RTUK jî di heman demê de vê berpirsiyariya xwe tîne cih.
Lê mixabin em vê qîmetê li hemberî zimanê kurdî nabînin. Hinek kes dikarin bibêjin ev destpêk e şaşî çêdibin lê dîsa pirseke pêşiyên tirkan heye dibêje ku “Balik Baştan Kokar” yanê di destpêkê de yan jî ji kesên sereke ve genîbûn dest pê dike. Bi qasî ku min lêkolaye TRT karê wêşana kurdî daye destê şîrketên taybet. Ev şîrket jî nêzîkatiya xwe bi rêvebirên TRT’ê ve henin. Yanê bi vê rêyê rantek çêbûye û hatiye parvekirin. Lê ew qas bêperwane ku ziman ne xema wan e. Ber bi çav beyane ku ji hêla hevoksazî zayend û peyvan ve şaşî gelek in. Ji çapemeniya kurdan çend rexne jî çêbûn lê diyar e ku qet xem nakin. Ew qas bêperwan in.
Bi qasî ez dizanim wekî sazî TRT beşa wê ya çavdêriya şaşiyan jî heye. Ev bêguman ji bo TRT6’ê jî hatiye damezirandin lê ew kesên di wir de çi karî dikin, van şaşiyan çawa nabînin û çawa ji bo sererastkirinê hewl nadin... Ev mixabin nexweşiya di nav pergala dewletan de tîne bîra mirov. Ew jî rişwet e, gelo ev şirketên taybet rişwetê didin wan kesan ku dengê xwe nakin.
Ji şaşiyên girîng em çend mînakan binivîsin;
1- Diftong tune; “xwarin” nabêje dibêje “xarin”, nabêje “ji xwe re”, dibêje “ji xe ra”
2- Zayend tune; “bazara şerqê” nabêjin, dibêjin “bazarê şerqê”
3- Îdîyom tune; “gel keyfîm gel” wergera wê “were kêfa min were”
4- Fereseta kurdî tune; “maç gelekî başarîlî bû. Sonuç bîr bîr xilas bû”
5- Bername ne baş in; “Pisîka Wanê navê wê pamûk e” kurd navê pisîkên xwe nakin pamûk.
6- Naverok vala ye “bernameya Rojînê virt û vala ye” kesên derdikevin nikarin bi kurdî qise bikin. Mecbûr nîn in lê qet nebe tercumanekî bigirin.
Îcar ez ji rêvebirên televîzyonê re dibêjim ka ev televîzyon ji bo biratî, aştî û cînartiyê ava bû. Ka li ku derê ma ev armanc. Kesên ku van bername û fîlman amade dikin dibe ku heval nas û dostên we bin, lê ji kerema xwe bibêjin bila karê xwe piçekî baş bikin. Ez dizanim kurd ji bo wan ne girîng in lê ji hêla serkeftina kar ve mînakekî baş nîn e. Ji bo pêşeroja wan bibêjin bila li xwe neheqiyê nekin. Eyb e, şerm e....

***

Li ser TRT 6'ê hin nivîsên ku heta niha di Diyarnameyê de hatine weşandin:

-
- Edîb Polat: Şaşiyên ziman ên TRT 6’ê -2-

- Edîb Polat: Şaşiyên ziman ên TRT 6'ê

- Cemil Oguz: Dê malpera TRT'ê jî biguhere?

- Cemil Oguz: TRT kurdî dê çi li jiyana min zêde bike?

Şêxmûs Sefer: Te got ÇEND TV?

Evdile Koçer: Çend pêşniyar bo TRT Kurdî!

Şengul Ogur: TRT 6, Kurdolojî û pozîtîvîzma tirk û guherîn

Hekîm Sefkan: TRT Q

- Jan Dost: TRT 6, aliyên spî û yên reş

-  Çiya Mazî: TRT 6 ne ‘bi xêra xwe’ ye.

- Arjen Arî: Şikestina Pê