Diyarname

35'emîn Festîvala Fîlman a Navneteweyî ya Stenbolê kû 18'ê mehê bi dawî bû bi giştî 90 hezar kes çûn serdana fîlman.

Îsal di 11 rojan, 10 salonan de 501 nîşandayîn çêbûn. Di bin navê 25 beşan de ji 62 welatan bi giştî 187 fîlmên metrajdirêj, 10 kurtefîlm, 24 fîlmên ceribandinî yên 223 derhênerî fîlm hatin nîşandayîn. Her wiha di çarçoveya festîvalê de 6 sohbetên li ser sînemayê, dersek sînemayê, atolyeyek, 2 gotûbêj û 2 konser li dar ketin.

Her sal bi ser 100 hezarî re temaşevan diçûn li fîlmên sînemayê temaşe dikirin. Îsal piştî teqînên li Enqere û Stenbolê tirsa li nav mirovan hinek be jî bandor li çand û hunerê kiriye, ku diyar e bandor li festîvalê jî kiriye. Dîsa jî temaşekirina 90 hezar kesî serketinek e. 

Di festîvalê de di warên Pêşbaziya Neteweyî û Navneteweyî de fîlmên bi ser ketin hatin xelatkirin û bi vî awayî dawî li festîvalê hat. Salek din dîsa di meha avrêlê de dê festîval li dar bikeve.

***

Nûçeyên eleqedar:

- 'Toz Bezî' û 'Kalandar' bûn serketiyên Festîvala Stenbolê 

- 'SOBYTIE' çêbû lê çi guherî? 

- Belgefîlmên Beşa NTV li benda temaşevanan in 

- 'Çinara Spî' tê nîşandayîn 

- Bi "Midnight Special" festîvalên deriyên xwe vekirin 

- Derî vedibe: Hin jê bi kurdî 221 fîlm tên
- ‘Kerî’ bi awayê nûkirî tê nîşandayîn

- Xelatgirên Xelata Rûmetê diyar bûn