Diyarname

Rojnameya Hurriyetê îro nûçeyek saz kir û got ku malbata Rêberê PKK'ê Abdullah Ocalan di Cejna Qurbanê de dê bi wî re hevdîtinê bike.

Li gor zagonên Tirkiyeyê di her cejnê de malbatên girtiyan dikarin herin serdana girtiyên xwe. Li girtîgehên ku girtiyên edlî têde ne hevdîtina jêre "açik goruş" (hevdîtina hatine cem hev) çêdibe, ji bo girtiyên siyasî hevdîtina normal, yanê li pişt têl û caman çêdibe. Ev hevdîtin di vê Cejna Qurbanê de hikumetê rastî 14-18'ê mehê anîne. Rojnameya Hurriyetê jî îro nûçeyek  çêkir û got ku hevdîtina ligel Ocalan jî xistine nav bernameyê. Li gor nûçeyê birê Ocalan Mehmet Ocalan dê bikaribe here hevdîtinê.
Li ser vê hê ji parêzerên Ocalan, an jî ji endamên Heyeta Îmralî tu daxuyanî nehatiye dayîn.

Ocalan herî dawî di rojên 28-29'ê avrêla 2016'an de ligel endamên Komîteya Dijderketina Îşkence û Miameleya Xirab a Konseya Ewrohayê hevdîtin çêkiribû.

Li aliyê din 50 kesên ji saziyên siyaseta kurd ên wekî HDP, DBP, KCD, KJA ji bo agahî ji Ocalan bê girtin 5'ê vê mehê li Amedê dest bi greva birçîbûnê kiribûn. Her wiha li Ewropayê jî ev 15 roj in komek di grevê de ne.

Yildirim: Çalakiya me didome