Diyarname

Li Îngilistanê di nav Partiya Karkeran ku niha di muxalefetê de ye hilbijartina ji bo serokathebû, serokê niha Jeremy Corbyn careke din bi ser ket û bû Serokê Partiya Karkeran.

Zêdeyî nîv mîlyonî endamên partî û endamên sendîkayan ji bo hilbijartina serokatiyê deng dan. Corbyn reqîbê xwe Owen Smith bi 61.8 têk bir û rêya xwe domand. Corbyn bi sedî 59,5 hatibû hilbijartin. Ev bi mehan e li nav partiyê xirecir hebû, bi vê encamê li bendê ne ku ev xirecir bi dawî bibin. Corbyn çepgirekî xurt e, Owen Smith çepgirek lîberal bû. Tê gotin ku hin mebûsên ji "kabîneya şopîner" a Partiya Karkeran ku îstîfa kiribûn dê dîsa vegerin ser karên xwe. Jeremy Corbyn di dema kampanyayê de gotibû ku ji bo yekîtiya partiyê ewê bixebite. Partiya Karkeran di referandûma ji bo derketin an têdemayîna YE'yê (Yekîtiya Ewropayê) de ji bo mayînê deng dabû. Piştî referandûmê beşek mezin a mebûsên Partiya Karkeran xwesibûn Corbyn îstîfa bike; di pêşniyarnameya ji bo neewlebûna Corbyn de ji 229 mebûsan 172 mebûsî îstîfaya wî xwestibû lê Corbyn gotibû ku gelek endamên partiyê piştgiriyê didin wî. Ev dengdana niha ji bo wî bû bawerî. 

Berendamê din Owen Smith û muxalifên din ên nav partiyê îdîa dikin ku dê Corbyn nikaribe Partiya Karkeran bibe desthilatdariyê. Hilbijartina giştî ya Îngilistanê di sala 2020'an de ye ger pêşhilbijartinek çênebe.

Hefteya borî di civînek de Corbyn piştgirî dabû kurdan jî.