Diyarname
Tîmê Îtalya Juventus di Serî a de eyro Crotone dir kay kerd û bi 3-0 bi ser kewt. Bi nê encamî verî ke lîg biqediyo bi hefteyke Juventusî şampiyonî xo eşkere kerd. Bi 6 serî pêsero Juventus Îtalya de beno şampiyon û bi nê 6 seran rekor şikna.
Di 112 serê Serîe A de Juventus bî 33 rey beno şampiyon. Reqîbê yê Mîlan û Înter her jo 18 serî biyê şampiyon.
Di serey 2006 de di skandalê "Calciopoli" de şampiyoniyê Juventusê yê serey 2004-2005 û 2005-2006 destê jê ra hamîbî girotişî û ew Lîgê Serîe A ra hamebî qewernayîş û ew fînabî lîgêke cêrîne Serî B. Hamebî vatiş ke go Juventus reyna nêşko ageyro ê rocanê xo yê başan la tîmî biryar girot di serey 2011 de stadê xo Delle Alpi ra şî, derbasê stadê xo yê newe bî û di binê fermanê teknîk dîrektor Antonio Conte de tîmêke newe viraşt û dest bi serdemêke newe kerd.

Juventus û Real Madrîd kay kenê
Juventus di Lîgê Şampiyonan de jî karwanê xo dewam keno: Di enî lîgî de Juventus hamew heta fînal û 3'ê aşmey vernî ma de go Stadê Milenyum ê Cardiffê Galler de Real Madrîdî dir kay bikero. Juventus wazeno ewca jî tarîx binisno.