Diyarname

Îşev li Almanyayê bi çekan êrîşê lîstikvanê Amed Sporê Denîz Nakî kirin. Gule li erebeyê wî ketin lê tiştek bi Nakî nehat, ew baş e.

Di vê serdema ku lîg ketiye betlaneyê de Denîz Nakî jî çûbû Almanyayê. Li bajarê Aachen a Almanyayê dema Nakî erebe diajot hin kes an kesan bi çek êrîşê Denîz Nakî kirin. Du gule li erebeya wî ketin. Tiştek bi Nakî nebû, ew baş e. Polîsên alman dest bi lêkolînê kirin.

Lîstikvanê Amed Sporê Nakî ji roja ku gotiye, "Bila zarok nemirin, werin maçê" û peyamên aştiyê belav kiribûn heta niha rastî gelek êrîşan hat. Li nav sehayê jî gelek lîstikvanan qestî faul lê kirin.

HDP'ê peyam weşand

HDP'ê peyamek weşand û êrîşa li hemberî Nakî bi tundî şermezar kir.