Diyarname
"Knight Rider" li Tirkiyeyê bi navê "Kara Şîmşek" hatibû nîşandayîn û navdar bûbû. Erebeya bi markeya Pontiac ji aliyê General Motors (GM) ve dihat çêkirin. Niha şîrketê biryar da ku êdî wê erebeyê çêneke û nefroşe.
 
Pontiac yekem car di sala 1926'an de hate çêkirin û navê xwe navê xwe ji bajarê eyaleta Michigan girtiye ku erebe li wir hat çêkirin.

Pontiac zemanekî ji bo Hollywoodê erebeyê herî balkêş bûn. Ji vê markeyê modelên Bonneville, GTO û Firebird TransAm modelên herî populer bûn.

Di sala 1968'an de nêzî mîlyonekî Pontiac hate firotin. Lîstikvanê amerîkî  Burt Reynolds di fîlmê "Smokey and the Bandit" de modela erebeyê Firebird bi kar anî û kir ku Pontiac bibe markeyeke global.

Di salên 60'î û 70'yî de erebeyan eleqeyeke mezin dît lê di salên dawî de asta firotina wan daketibû.

Di sala 1982'yan de erebeyeke vê şîrketê bû serlîstikvanê rêzefîlmekî. Rêzefîlmê ku navê wê yê orjînal "Knight Rider" bû li Tirkiyeyê bi navê "Kara Şîmşek" ket vîzyonê û gelek hat ecibandin. Otomobîla bi navê "Kitt" a vê rêzefîlmê cureyeke erebeyên Pontiac bû.

CM, ku êdî kem ji van erebeyan difirot, ji bo li fabrîkeyê xwe yê Kanadayê hilberînê bidomîne daxwaza 7 mîlyar dolar alîkariyê kiribû lê ev daxwaza wan hatibû redkirin.

Li ser vê biryara girti dawîlêanîna hilberîna markeyê dê bi hezaran kes betal bimîne.

Çavkanî: BBC