Diyarname
Ji bo fûtbolhezan, bi taybetî yên ji fûtbola La Lîga hez dikin ev nûçeyeke xêrê ye: La Lîga dest pê dike.

Li Spanyayê di Lîga 1'em û 2'yem de ji be r klûban heqê li dor 200 lîstikvanî nedan ev 2 heftebû grev li dar bû. Komeleya Lîstikvanên Fûtbolê (AFE) ev grev dom dikir. Di tîmên mezin ên wekî Barselona, Real Madrîdê jî hefteyên borî bi daxuyaniyên xwe piştgirî dan lîstikvanên di grevê de, Federasyona Spanyayê hefteya borî mecbûr ma destpêkirina lîgê hefteyeke bi paş ve bixe.

Îro AFE û LFP (Saziya Lîga Fûtbola Profesyonel) îro li hev kirin û bi vê yekê greva lîstikvanan bi dawî bû. Komeleya Lîstikvanên Fûtbolê dixwest fona wan bê zêdekirin. Li gor lihevkirina îro lîstikvanên di grevê de ev maf bi dest xistin û dê heqê wan bê zêdekirin. Her wiha 50 mîlyon Euro pereyên lîstikvanan ku klûban nedabû wan dê bê dayîn. Bi ser de jî xaleke wisa xistin nav peymanê: Lîstikvanekî 3 mehan pereyên xwe negire dê bikaribe peymana xwe ya bi klûbê re betal bike. Li Spanyayê lîstikvan bi rêxistinî ne. Di sala 1984'an de jî lîstikvanan grevek li dar xistibû.

AFE'yê ragihand ku wan dawî li grevê aniye, LFP'ê jî ragihand ku dawiya vê hefteyê dê maçên lîga 1 û 2'yemîn li dar bikevin.