Diyarname

Wekî bajarên din li Stenbolê jî ji bo 21’ê Reşemî Roja Zimanê Zikmakî bername tê lidar xistin. Bernameya Stenbolê ji aliyê Enstîtuya Kurdî ya Stenbolê, Tora Ziman û Çandê û NÇM’ê ve tê organîzekirin.

Bername 21’ê mehê ye û ji du parçeyan pêk tê: Di beşa yekem de panel dê li dar bikeve, paşê jî du dengbêj dê klaman pêşkêş bikin. Di beşa panelan de di bin moderatoriya Minewer Aslan de Jîyan Ay li ser “Nasname, xwebûn û pişaftin ji hêla derûnasiya çandî ve”, Hecî Sayin li ser “Nesilanhe neweyan rê neqilkerdişê ziwanê dayike”, Şefîk Beyaz li ser *Helwest û rola me li hember pişaftin û xwepişaftinê” û Ronayî Onen jî dê li ser “Veguhestina zimanê dayikê bo nifşên nû” biaxive.

Piştî aşaftinan dê dengbêj Xalîde û dengbêj Sebrî Agirî bi klam û dengê xwe reng bidin şevê.

Bername li Şişli Belediyesi Nazim Hikmet Kultur  ve Sanat Evi di navbera saet 19.00 û 21.00’an de li dar bikeve.

Ji bo yên bixazin herin, navnîşan:

Halide Edip Adivar Mah. Darulaceze Cad. No 9-1 / 1 Şişli

*** 

Ji bo ROJA ZIMAN nûçeyê eleqedar:

- Çalakiyên ji bo Roja Ziman dest pê kirin 

- Bernameya Mûşê 

- Li Amedê çalakiyên ji bo Roja Ziman
- Çend baro Roja Ziman pîroz dikin (Bernameya Batman û Mêrdîne)

**