Dawûd Rêbiwar

Çend sal berê dema ez çûm gund, êvarekê mijar ji tiştonekan vebû. Di nava sohbeta bi qasî nîv saetekê de min ev tiştonekên li jêrê not girtin... Piştî 7-8 salan îro ez di nav rûpelê deftereke xwe de lê rast hatim. Min xwest bi we re parve bikim. 

Wekî notek: Tiştonekan bixwînin û li bersivê bigerin, ger we nedît, bersiv li jêrê, li binê nivîsê ye…

1-

Masiyê çiv da

Behrê kef da

Çep zivirî

Lal xeber da

*

2-

Çir çir î

Sor dixwe

Spî dirî 

*

3-

Dora reş e elewat

Orte reş e selewat

Ter lê dixim

Hişk derdixim

*

4-

Qasî tilîkî

Tije dike xanîkî. 

*

5-

Xalê min ê b'nigekî

Çû ber garana gundekî

*

6-

Wî alî dîwar

Vî alî dîwar

Navê da sekî har

*

7-

Axa raza ye

Xulaman serê xwe daniye ser.

*

8-

Tendûra zimzimî

Tijî nanê genimî

*

9-

Qazî bi qîza xwe

Mele bi jina xwe

Çûn ser darê

Çar sêv hebûn

Her yekê yek anî xwarê

Yek ma zêde

*

10-

Heftê heşt leylek

Nivî sor nivî belek

Duwazdeh ga 

Du çêlek

*

11-

Hîv û roj yaşkî

Mele bi şaşkî

Çil ga çûne aşkî

*

12-

Odeya şûştî muştî

Sî û sê feqî tê de rûniştî 

*

13-

Xalê min ê nigdar

Çû ser darê dar xwar

BERSIV:

1- Saet

2- Genim û Ard

3- Tenûr û Nan

4- Çira

5- Mîrkut

6- Dev û ziman

7- Kêran û Dar

8- Esman û Stêrk

9- Jina mele qîza qazî ye

10- Roj û heyv, duwazdeh meh û du eyd)

11- Mele û cimaeta xutbê

12- Dev û Diran

13- Tewşo