Qamişlo

Roja 21’ê mehê bi navê “Rojên Qamişlo yên Çandî” li  Qelat Kafe dest pê kirin. Bi koordîneya Desteya Çandê ya Cizîrê çalakî li dar ketin û 10 rojan her roj saet di navbera 18.00 - 21.00’an de li dar dikevin.

Di nav bernameyê de şevbuhêrk, panelên şêwirê, fîlm û şanoyên bi zimanê kurdî û erebî hene.

Endamê Desteya Çandê ya herêma Cizîrê Ebdulmecîd Xelef pesna însiyatîfa çandî da û anî ziman ku ew roleke mezin di dewlemendkirina çanda herêmê de dilîze.

Roja yekem di çalakiyê de nivîskar Dilovan Çeto helbestek civakî ya kurt bi zimanê kurdî xwend û pişê pêkenokek got.

Her wiha helbestvanê erebî Elî El Keûd komeke helbestên wijdanî gotin.

Roja yekemîn a çalakiyê bi gotina komeke kurteçîrokan ji aliyê nivîskar Luqman Yusif ve, bi dawî bû. 

ANHA