Diyarname

Rêveberî cunta ê Myanmarî reyke de 40 partî girotî. Di miyanê enî partiyan de NLD (Yewbiyîna Demokrasiya Neteweyî) zi esta ke partiya Aung San Suu Çii bî. Suu Çii di serey 2021 de wexto serokwezîre bî rastê derbey eskeran hamî û hamî girotişî. 

Rejimê eskerî aşma yewîna a emsarî de zagoney partiyanê siyasî kerde newe û gorey ene zagone ra 40 partî girotî.

Di weçînayişê 2020'inan de 90 partî kewtîbî weçînayiş. Gorey zagona newî ra vat bî ke heta 28'ê edarî gere partî newe ra qeydê xwu bikerê; 50 partiyan qeyd viraşt, la 40 partiyan nêviraşt. Û enka ê hamey girotişî.

Yeno vatiş ke rejimê eskerî qeybî paştey partiyanê muxulifan bişikno ê partî girotê.

NLD'î di miyanê seranê 2015-2021 de bi reyanê pîlan hame desthilatdarî û welat raver berd, la di serey 2021'in de derbe viraziya. NLD vano ke wexto îşkence û girotişî dewam bikerê, di binê destê rejimê eskerî de go çawey weçînayişo adil û azad viraziyo. Loma zî înan qeydê xwu nêviraşto. Rêberey partî înan Suu Çii hema zî girotî ya.