Diyarname

Eno seranê peyînan de kaykerdoxê fûtbolî ê bi name û veng verê xwu danê welatanê ereban. Neymar zî şî.

Kaykerkoxê brezîlî Neymar tîmê fransa PSG de bî. Kaykerdoxê tîmanê Ewropa de hendî zêde nêşkenê ca bigîrê verê xwu danê welatanên ereban la Neymar hema 31 sere yo û cay cê zehf tîman de bîbî. Reyna zî ê verê xwu da erebistan.

Neymarî tîmê Erebistanê Siûdî ê bi name El-Hîlal dir peyman girê da. Neymar qeybî di seran go 160 mîlyon euro pere bigîro. Rojnamey fransiz L’Equipe vat ke xeynê enî pereyan ew go 20 mîlyon euro zî bonus bigîro.

NEYNARÎ REKOR ŞIKIT BÎ

Neyka di serey 2017'inan de Barselona ra bi 222 mîlyon Euro transferê PSG'î bîbî û rekor şikit bî. Ew 173 maçanê PSG'î de veciya seha û 118 golî eştî, 77 hebî jî asîstî viraştî.

El-Hîlalî eno amnan kaykerdoxê zey Ruben Neves, Kalidou Koulibaly, Milinkovic Savic û Malcolm zî transfer kerd bî.

Cristiano Ronaldo, Karim Benzema, Roberto Firmino û zehfê bînî zî şîbî Erebistan. Hefte bîn kaykerkox Iniesta zî şîbî yew klûba ereban Emirates Club.

**

AGAHIYA NEWÎ

Şanê 15'ê aşme de Reutersî xebere kerde vila kerd El Hîlalî bi awayke fermî transferê Neymarî eşkera kerd.

Zêde malûmatî niyameyê vilakerdişî la enka yeno vatişê ke Neymar di 2 seran de go heta 400 mîlyon Euroyî pere bigîro. Klûba El Hîlal qeybî bonservîsî zî go 90 mîlyon Euro bido tîmê fransizî PSG'î.