Munih bi rengê porteqalî xemilî

Diyarname
Di Euro 2024 de maçên dawî yên Dora 16'an hatin lîstin.
Di maça pêşî de Hollanda û Romanya hatin hemberî hev. Hollandayê bi 3 golan derbasî çarîk fînalê bû.
Di maça li Futbol Arena ya li Munihê li dar ket de Hollanda di deqîqeya 20'î de bi gola Cody Gakpo 1-0 derket pêş. Romanyayê nekarî bersiv bide û nîveka yekemin bi vî awayî bi dawî bû.
Di deqîqeya 63'yan de Gakpo goleke din avêt lê VAR'ê ew betal kir. Hollanda ku zêdetir dixwest here çarîk fînalê di deqiqeya 83'yan de bi gola Malenî hinek din aramtir bû: 2-0.
Û di deqîqeya 90+3 de dîsa bi gola Gakpo encam diyar kir: 3-0.
Temaşevanên Hollandayê ku bi rengê porteqalî Munih xemilandibûn bi vê encamê wê li çarîk fînalê jî kêfê bikin.

Tirkiyeyê kêfa Avusturyayê di gewriya wê de hişt
Maça din di navbera Tirkiye û Avusturya de bû. Avusturyaya ku heta niha tîmên ji xwe mezintir Têk biribûn û hatibû heta vir û di maça ku favorî bû de têk çû.
Li ser navê Tirkiyeyê Melih Demirel di sanîyeya 57'an de golek avêt Tirkiye bi 1-0 derxist pêş. Di tûrnûavyê de bû duyemîn gola ku herî bi lez hatiye avêtin. Di maçên koman de lîstikvanê Albeniayê Nedim Bajmani di saniyeya 23'yan de golek avêtibû û ketibû nava dîrokê.
Di nîveka yekemin de Avusturyayê nekarî bersivê bide û ev nîvek wisa bi dawî bû. Di deqîqeya 59'an de Demiral golek din avêt û encam bir 2-0'ê.
Avusturyayê di deqîqeya 66'an de bi Gregoritsch bersiv da lê ev yek têra wan nekir. Bi 2-1'ê Avusturya têk çû.
Tîma neteweyî ya Tirkiye di sed salên dîroka xwe de 6 caran kariye beşdarî vê tûrnûvayê bibe. Di van 6 caran de piştî sala 2000 û 2008'an (wê çaxê derbasî nîv fînaLê bû) bû cara sisêyan di tûrnûvayên UEFA'yê de derbasî çarîk fînalê dibe.
Bi van encaman Hollanda û Tirkiye di çarîk fînalê de bûn reqîbên hev. Ewê 6'ê mehê saet 22'yan de bên hemberî hev.

YÊN ÇÛNE
Heta niha piştî Spanya, Almanya, Portekîz, Fransa, Îngilistan û Swîsreyê Hollanda û Tirkiye jî derbasî çarîk fînalê bûn.