Diyarname
Klûba Boston Celtics bi buhaya 4.7 milyar dolarî tê firotin. Klûba ku îsal di NBA de bûbî şampiyon, di sala 2002'yan de bi 360 milyon dolarî hatibû kirîn.
Boston Seltic li Lîga Neteweyî ya Amerîkayê (NBA) ya basketbolê de, di dawiya fînalê de bi 4-1 li hemberî Dallas Mavericks bi ser ketibû û bûbû şampiyon. Xwediyê kulubê Wyc Grousbeck, piştî vê serkeftina mezin biryar da ku kulubê bifiroşe.
Di daxuyaniya ku ji aliyê kulubê ve hatiye dayîn de hat gotin ku armanc ew e ku piraniya parên Boston Celticsê di dawiya sala 2024'an de bên firotin û tê plankirin ku firotina hemû paran di sala 2028'an de dê temam bibe.
Karsaz Wyc Grousbeck ê ku di sala 2002'yan de Boston Celtics bi 360 mîlyon dolarî kirîbû, di 22 salan de 2 caran Celticsê li NBA kiribû şampiyon. Di sala 2008 û îsal wan kupaya şampiyonê girtibû.
Di sala 2023'yan de buhaya Boston Celticsê 4.7 mîlyar dolar bû, niha ger bi vê buhayê bê firotin, dê Wyc Grousbeck kareke mezin bike.