Diyarname
Teknîk dîrektorê katalan Pep Guardiola niha tîma îngilîz Manchester City (MC) bi rê ve dibe. Par rewşa wan ne baş bû. Niha berî lîg dest pê bike Guardiola ji bo kovara GQ axiviye. Li ser pirsa "Wekî teknîk dîrektor ewê dîsa vegeriya Barselonayê yan na?" gotiye, "Bi dawî bû. Ji bo heta hetayê ew çîrok bi dawî bû. Pir xweş bû lê bi dawî bû."

Hevpeyvîn serê vê mehê bi sernavê "Gelo mirov li bendê ne ez bi ser nekevim? Erê, helbet. Û ez kêfxweş im xêrhatinê li wan bikim" hatiye weşandin

Der barê pêşeroja xwe ya ligel MC'yê de Guardiola gotiye, "Heta 2027'an peymana min heye. Piştî City ezê navberê bidimê. Min biryar da. Ez nizanim çiqas dê bidome, salek, du, sê, pênc, deh an jî panzdeh sal, nizanmi, piştî City ez ê navberê bidim."

Li Barselonayê lîstikvanê ciwan Lamine Yamal li dinyayê nav daye. Guardiola li ser wî jî gotiye : "Divê em destûr bidin ku kariyera wî pêş bikeve. Jixwe ew bi Messi re hat berawirdkirin û ev bûyerek mezin e. Ev wekî berawirdkirina wênekerî bi Van Gogh re ye. Ev berawirdkirin nîşaneya wê ye ku ew lîstikvanekî baş e."