Diyarname
Lîstikvanê fûtbolê Kazuyoshi Miura 58 salî ye û hê jî bi awayekî profesyonel fûtbolê dilîze. Ew niha ji bo salek hat transferkirin.

Tîma Fukushima United li Japonyayê di lîga sêyemîn de dilîze. Tîmê, ligel lîstikvan Miuro heta pûşpera 2026'an bi kirê peyman girê da. Miura ji tîma Yokohama FC ji bo tîma Fukushia Unitedê hat kirêkirin. Piştî 5 salan cara yekê ye ew derbasî J.League dibe, ku ji sê lîgên pêşîn ên profesyonel ên Japonyayê re te gotin.

Lîstikvan Kazuyoshi Miura di reşemiya 2026'an de wê bikeve 59 saliya xwe. Ew niha lîstikvanê herî extiyar ê li dinyayê ye.

Li ser vê yekê ji BBC Alastair Telfer nûçeyeke çêkiriye. Lîstikvan Kazuyoshi Miura ku niha ji bo serdema xwe ya 41'ê xwe amade kiriye ji bo BBC gotiye, "Temenê min çi dibe bila bibe eşqa min a ji bo fûtbolê neguheriye." Her wiha Miura gotiye, "Ji ber vê firsendê ez sipasdar im. Çi ji destê min bê ezê bikim. Werin em bi hev re dîrokê binivîsin."

Lîstikvan Miura di sala 1986'an de li Brezilyayê di tîma Santos dest bi fûtbolê kiriye û di nav efsaneyên fûtbolê de ye. Bernava wî "Kral Kazu" ye ku heta niha li derveyî Japonyayê jî i gelek welatên wekî Brezîlya (tîmên Santos, Palmeiras, Coritiba), Îtalya, (Genoa), Xirvatistan (Dinamo Zagreb) û Avustralyayê (Sydney) lîstiye.
Ji sala 2022'yan heta niha ev cara çaran e ji tîma Lîga J2'yan Yokohama FC wekî kirêkirî diçe tîmên din. Ew par ji bo tîma lîga çaran a Japonyayê Atletico Suzuka hatibû kirêkirin. Di vê tîmê de par 7 maçan de tenê 69 deqe lîst, lê nekarî golê biavêje. 

Di navbera alên 1990-2000'î de di tîma neteweyî ya Japonyayê de 89 caran lîstiye û 55 gol avêtiye.

Di Lîga 3'yemîn ya Japonyayê de 20 tîm hene û tîma Fukushina United par di rêza 10'an de lîg temam kiribû.

Klubê li ser hesabe xwe yê instagramê transfer wisa ragihand.