Diyarname
Di Koma B de îro Hirvatistanê Polonya û Almanayê jî bi Avusturya 1-0'ê têk bir. Piştî Hirvatan, Almanya jî derket çarîk fînalê.

Di maça yekem a îro de yekeminê komê Hirvatistan û Polonya hatin hemberi hev. Ji Hirvatistanê Klasnic gol avêt û hirvatan 1-0 maç bi dest xist. Bi vê encamê re Polonya çû mala xwe.
Di 20'ê mehê Hirvatistan di çarîk fînalê de dê bi Tirkiyeyê re bilîze.

Kunyeya maçê:
Hakêm: Kyros Vassaras, Dimitris Bozatzidis, Dimitris Saraidaris (Yewnanistan)
Polonya: Boruc, Zewlakow, Wawrzyniak, Wasilewski, Lewandowski (Dq. 46 Kokoszka), Dudka, Murawski, Lobodzinski (Dq. 55 Smolarek), Krzynowek, Guerreiro, Saganowski (Dq. 68 Zahorski)
Hirvatistan: Runje, Vejic, Simic, Knezevic (Dq. 27 Corluka), Vukojevic, Rakitic, Pranjic, Pokrivac, Leko, Petric (Dq. 74 Kranjcar), Klasnic (Dq. 74 Kalinic)
Gol: Dq. 53 Klasnic (Hirvatistan)

**

Di maça duyem a komê de jî Almanya û Avusturya hatin hemberi hev. Ji bo Almanyayê tenê pûanek bes bû, lê ji bo Avusturyayê sê pûan. Di dawiyê de Almanya bi 1-0 bi ser ket û derket çarîk fînalê, Avusturya ku tevî Swîsreyê mazûvanî li EURO 2008 dike çû mala xwe.
Gola Almanyaye Ballack avêt.
Almanya di çarîk fînalê de bû reqîbê Portekîzê.
Rexnegirên sporê di destpêka EURO 2008 Portekîz û Almanya wekî favorî nîşan didan. Û çarîk fînalê de favoriyekî dê vegere mala xwe û yek rêya xwe bidomîne.
Maça çarîk fînalê ya di navbera Almanya û Portekîzê de dê 19'ê vê mehê saet 21,45'an de li Baselê bê lîstin.