Diyarname
BDP'ê xwestibû belgeyên Dêrsimê bêne eşkerekirin. Niha ew belge gihîştin meclisê.

Serokwezîrê Tirkiyeyê Recep Tayyip Erdogan di axaftineke xwe de (26.02.2010) gotibû ku li ser tiştên di sala 1938'an a li Dêrsimê de çêbûn di destê wî de belge hene. Li ser vê yekê Mebûsê BDP'ê yê Dêrsimê yê wê demê Şerafettin Elçî pirsiyarnameyeke dabû meclisê û xwestibû Serokwezîrê Tirkiyeyê Erdogan van belgeyan eşkere bike.

Niha Serokê Komîsyona Daxwaznameyan ê Meclisa Mezin a Tirkiyeyê Mehmet Daniş got ku hemû belgeyên li ser Dêrsimê ji Serfermandariya Giştî hatine ber destên wan û wan ew belge niha li meclisê ne.

Daniş got ku nêzî 5 hezar rûpel belge hatine, bi vî awayî belgeyên li vê derê gihîştine 46 hezar rûpelî.

Mebûs Daniş got ku ji bo ji hev derxistina van belgeyan ji hin zanîngeha daxwaza akademîsyenan hatiye kirin û ji bo vê yekê ew bi Zanîngeha Enqere û Zanîngeha Yildirim Beyazid re ketine nava hevdîtinê.

Li ser Dêrsimê, belgeyên ji Serfermandariya Giştî jî hatin têde bi giştî 140 hezar rûpel belge gihîştin ser hev. Serfermandariya Giştî heta niha 46 rûpel belge şandin.