Diyarname

Kaykerdoxê Hollywoodî, hostey hunerê karate Bruce Lee serey 1973 de merd, la her game merdişê ê bîbî semedê nîqaşî. Çimkî tam nêzanayne çirê merd o. Enka sedemê merdişê ê hame eşkerakerdişî. Gorew hamew eşkerakerdin, ê “zehf aw werda” loma berdo.

Bruce Lee serey 1940 de hame bî dinya, serey 1973 de Hong Kong de merd. A çaxî doktoran vat bî ke ê zehf hebê êşbiryayişî werdê loma merd o. Xeynê ene joy heniyan va waştî ê hesûdî anta loma jehr daw ê û merd o, heniyan van gangsteran ew kuşto, heniyan van germî daw serey cêro û merdo. Her kesî çîke va, la dimay 50 sere, enka çîna hame eşkera kerdişî. Gorey xebera enka hamiya vilakerdişî ê zehf aw werdo loma merd o. Weşanêke bi namey Clinical Kidney Journal serê ene joy de lêkolîn kerdo û encamê lêkolîne de eşkera kerdo ke ê zehf aw werda,, a joy ser hucreyanê ê de zirar viraziyo û dimara ene jo biya semedê mergê ê. Tib de ene joy ra vanê “hiponatremi”.

Reyna lêkolîne de  hamew vatişî ke ê dir faktorê teyşanî kenê zêde bîbî, gurçikanê cê zirar vîna bî, alkol ke zirar danê gurçikan zî ê dir peyda bîbî. Doktorê vanê ke verî bimro esrar ant bî û aw werde bî, loma jî beno aw qeybî gurçikanê cê zêdî bî, çimkî gurçikî bi problem bî. Ene joy jî biya sebeb ke mezg de problem virazo, sodyûmê di miyanê gunî de kemî bo. Wexto Lee merd bî mezgê cê hezar û 575 gramî bî. Mezgê merdimêke normalî gere hezar û 400 gramî bo.

Di serey 2018’inan de Matthew Polly ê ke bi namey “Bruce Lee, A Life” (Bruce Lee, Jiyanêke) serê ê de kitab nist bî, vat bî, “Şewa ke Bruce Lee merd bî zehf aw werdebî.”

Pîrekey cê Linda vat bî ke verî mêrdey cay bimiro diyetêke bi away gêzer û seyan viraşt bî.