Amed

Cenazeyê Medenî Yildirim (18) ku duh li Hezanê ji aliyê leşkeran ve hatibû qetilkirin îro bi beşdariya hezaran kesî hat definkirin. Di merasima cenazeyê de Hevseroka Giştî ya BDP'ê Gultan Kişanak got: Daxuyaniyên qeymeqamê Licê bi armanca serê bûyerê bê nixumandin hatiye kirin. Ger hikumeta AKP'ê ne provokator e, divê provokatoran radestî darazê bike."

Cenazeyê Medenî Yildirim (18) ku di encama êrîşa leşkeran a li hemberî gelên ku xwestin avakirina qereqolan li Lîcê şermezar bikin, bi gulebarana leşkeran hate qetilkirin, piştî bi meşekî girseyî li Goristana Yenîkoyê hate veşartin. Di meşê de bi dehan alên PKK û KCK hatin hildan û posterên Ocalan, wêneyên Yildirim hatin vekirin. Hevseroka Giştî ya BDP'ê Gultan Kişanak, Hevseroka KCD'ê Aysel Tûglûk, parlementerên BDP'ê Ayla Akat Ata, Îdrîs Balûken, Emîne Ayna jî di meşê de bûn.

Birayê Medenî Yildirim Fesîh Yildirim xwest biaxive, lê ji ber hestiyariyê di axaftinê de zehmetî kişand. Yildirim da zanîn ku, apê wî Adnan Yildirim jî di 3'ê pûşpera 1994'an de bi awayekî kuştina kiryar ne diyar jiyana xwe ji dest da û destnîşan kir ku de demekî ku amadekiraya bibîranîna apê xwe dikirin bi agahiya kuştina birayê xwe birînek pir mezin di dilê wan de hatiye vekirin.

Hevseroka BDP'e Gulten Kişanak diyar kir ku, ji bo mirin rawestin Ocalan pêvajoyek daye destpêkirin û wiha axivî: "Ev 6 mehin pevçûn çênabin. Gerîlayan meşa azadiyê da dest pê kirin. Gelê kurd bi baweriyek xurt xwedî li pêvajoyê derket. Em dixwazin di nava aştiyê de bijîn. Ji bo vê dixebitin. Lê me hê tu gavên AKP'ê yên ji bo pêvajoyê nedîtine. AKP bi panzer û polîsan bersivê dide daxwazên gel ên demokratîk. Gelê me got, 'Em dixwazin di nava baxçeyê xwe de azad bijîn, tu çima qereqolan çêdikî'. Ji bo vê jî meşek lidarxist. Lê di vê demê de jî bû armanca guleyan. Em vê qebûl nakin. Niha hewl didin vê bûyerê bidin ji bîr kirin."

Kişanak di berdewamê de fermandarê qereqolê yê ferman daye û qeymeqamê ku hewl dide bûyerê nepen bike wekî provakator nîşan da û wiha axivî: "Eger AKP li provakatora digere, bila van provakatoran radestî darazê bike. Gelê kurd dê heta kengî sebir bike? Bila serokwezîr eşkera bike. Ka vê pêvajoyê dê bidomîne an na. Em tu demê koletiyê qebûl nakin."

Piştî axaftinan girse derbasî mala Sersaxiyê ya Male Temira bû.

***

Nûçeyên eleqedar:

-  Gultan Kişanak qala meseleya Licê kir

- Li Lîceyê kesek hat kuştin, 10 birîndar hene