Hunermend Miço Kendeş di sala 1966'an de, Kobaniyê hatiye dinê. Ji zarokatiya xwe ve li ber dengê dengbêj, stranvan û dastanbêjan û di nav şevbuhêrkên ahengane yên ku li malê dihatin saz kirin, perwerde bûye, piştre li ber dengê dapîra xwe hinî rewanbêjî û şêweyên strana-destanî bûye. Êdî piştî vê qonaxê xwe hînê lêdana biziqê û tenbûrê kiriye, hişyarî û zanîna xwe ya muzîkî berfirehtir kiriye, hem dest bi hînbûna ûdê kiriye û hem jî bi alîkarya hin muzîknasên Helebê zanebûna xwe di der heqê meqamên rojhilatê de kûrtir kiriye.

Di nav karê xwe yê muzîkê de Kendeş, dest bi berhevkirina stranên kevin û yên gelêrî kiriye, li çavkaniyên wan yên resen û zelal geriyaye û niha jî ji wê gencîneya ku bi sedan stran têde hene berhevkirin, dest bi hilbjartina xwe dike ku yên perî spehî, herî narîn, bi dengê xwe yê pêldar û efsanewî û bi şarezayiya destanbêjiya xwe, pêşkêşî hezkiriyên xwe bike.

Heta nina bi navê "Çima" (1993), "Baranê" (1985), "Memê Alan" (2001) sê albumên hunermend Kendeş derketine.

Em vê hefteyê strana "Çûme Cizîrê" dikin klîba xwe ya hefteyê û pêşkêşî we dikin.